Salam jo Sambah

Ama memang belum ngerti berbagai ucapan pembuka di Min angkabau, tapi setidaknya yang di tulis admin ko mewakili

 

Sarantak Salam jo Sambah
Sarantak balam jo barabah, barabah lalu balam mandi
Sarantah salam jo sambah, sambah kami susun jo sapuluah jari.

Mano lah sagalo niniak jo mamak, cadiak pandai suluah bendang dalam nagari
Sarato bundo kanduang limpapeh rumah nan gadang
Adiak jo uda, uni jo kawan samo gadang.

Sakali aia gadang, sakali tapian barubah
Sakali musim batuka, sakali caro baganti.

Namun nan kuriak iyo tatap kundi, nan sirah iyo sago
Nan baiak iyo budi, nan indah iyo baso.

Itulah adaik nan indak lakang dek paneh, indak lapuak dek ujan,
adaik banamo sopan santun.

Lamo bana punai malayang
Inggoknyo tatap ka buah palo.
Lamo bana kito di rantau urang
Adaik jo limbago jan sampai lupo
Nan CML takana juo.

Bapisah bukannyo bacarai
Jikok gantiang jan sampai putuih
Di CML kito jalin silaturrahmi.

Ketek usah basabuikkan namo, gadang usah bahimbaukan gala
Indak basisiah jo basibak, indak babarih jo ba balabeh
Usah dibateh jo bahinggo
Molah dunsanak kasadonyo.

Namun baitu, dalam bagarah bakucindan
Raso jo pareso tatap di jago
Usah lupo jo kato nan ampek
Iyolah kato mandata, kato malereng,
Kato mandaki, sarato kato manurun.

Tau jo condong ka maimpok,
sarato gadang nan ka malendo
Dijago pulo alua jo patuik, sarato ereng jo gendeng
Lamak di awak, katuju di urang
Baitu adaik Minangkabau.

Sakian sambah sujuik dari kami,
Silang nan bapangka, karajo nan bapokok.

Jikok garah kami tagarah kudo
Maaf jo ampun nan kami pinto
Baa dek baitu? Manusia basifaik khilaf
Hanyo nan Kuaso nan samparono.

Jiko umua lai panjang
Angok didado baambuih lapang
Bisuak kito basobok baliak
Nan kini..
Egang salimuik rabahkan badan, kalang kapalo jo guluang lapiak.

Saku Midun
“H-Z
@CMLsakumidun

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s