Dari Page Carito Minang Lucu

LTS ? “Lai Tau Sanak ?”

Padusi = Anak Ketek

Lai tau sanak jo Padusi? Padusi adolah makhluk mulia nan paibo ati jo lasuah balinang aia mato, nan pasti padusi ko ndak laki-laki doh
Padusi indak untuak disakiti atau dipermainkan..

Bak kato banyak urang :
” Padusi tu ibarat Boneka Barbie. Nan namonyo Boneka bebas dimainkan jo dipangaan juo, disipak, dicampak’an ataupun ditalanjangi. Tapi ingek sanak.. Laki-laki Sejati ndak pernah ka pernah main Boneka Barbie doh..!! Kalau bencong mungkin main Boneka Barbie.. ”
* cie.. Cie.. *

Nah untuak itu padusi basikap jo bapakaianlah layaknyo seorang Padusi. Manutuik nan harus ditutuik supayo jan dijadikan Boneka dek laki-laki. Jan mantang-mantang awak kayo, bahaso kasa jo sasuko hati, jan mantang-mantang awak rancak, gaya maninggi jo laki-laki dirandahkan..

Nah nan laki-laki cando itu pulo, mantang-mantang padusi ko makhluk lamah cando Boneka, jan dipamainkan pulo. Ingek walaupun kito adolah laki-laki tapi kito pun lahia dari padusi (Amak), punyo adiak, kakak jo dunsanak nan padusi pulo. Seandainyo adiak atau kakak padusi kito dipamainkan laki-laki lain baa rasonyo??

Nah kalau manuruik ambo sesuai judul.. Padusi tu Samo jo Anak Ketek..!!
Parangai jo pangananyo susah ditebak. Kadang tampak dek kito nyo sadang manangih, sudahtu kito langsuang yakin kalau padusi tu sadang sadiah, padohal bisa sajo nyo manangih dek bahagia karano sadang dapek arisan . Atau bisa juo nyo manangih karano hanyo mancaliak kapuyuak balari dimukonyo, padohal sabalumnyo kito baprangsangko inyo manangih dek gara-gara urang nan nyo sayang pindah ka lain hati
Itu nan partamo manuruik ambo sanak..

Nan kaduo.. Baa dek Padusi tu ambo kecek’an samo jo anak ketek? Anak ketek kalau kito janjikan sesuatu nan mambueknyo sanang tapi ndak pernah kito tepati, inyo pasti nyinyia manuntuik kito untuak manepatinyo, baitu pulo Padusi. Mako dari itu : jan pernah manjanjikan banyak hal ka padusi kalau seandainyo kito ndak sanggup untuak menepatinyo.

Dulu sabalum ambo manikah, ka calon bini, ambo janjikan : “isuak kalau kito nikah, uda agiah adiak makan, bara kali adiak diagiah makan dek urang tuo adiak dalam sahari, sabanyak itu pulo uda maagiah adiak makan..” Ndak pernah ambo janjikan bini ambo untuak ka ambo balian inyo rumah, oto sarato berlian doh..!!
Alhamdulillah sasudah kami nikah, ambo manepati janji ambo, ambo agiah bini ambo makan tigo kali sahari sasuai jo janji ambo.. Kadang kalau balabiah rasaki, ambo balian bini ambo baju baru walaupun dalam satahun tu hanyo duo kali, kadang ambo balian pulo bini ambo pulsa moibu..

Akhianyo bini ambo basyukur bana, ambo bisa mambalian sesuatu untuak bini ambo dilua janji nan lah ambo tepati.
Alhamdulillah itu lah nan mambuek pernikahan kami sampai kini tetap langgeng, rukun, damai sarato bahagia lahia batin..

NB : maaf bukannyo ambo sok-sok menggurui, bukan pulo sok cadiak, ambo pun banyak kekurangan nan harus diperbaiki, manikah pun baru saumua jaguang. Tapi itu hanyo manuruik ambo sajo nan ambo tulis disiko. Sagalo sesuatu tu babaliak ka sanak liak..

Saku Midun
“H-Z
Twitter CML : @CMLsakumidun

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s